இது வெறும் வாலுங்க (தலை நீங்கதான் )

என்னங்க தலைப்பைப் பார்த்துக் குழம்பிட்டிங்களா? அது ஒன்றும் இல்லை இன்றைக்கு நான் கவிதைகளை மட்டுமே பிரசுரிக்கிறேன் தலைப்பை நீங்களே அனுமானித்துக் கொள்ளுங்கள் .
முடிந்தால் பின்னூட்டத்தில் உங்கள் தலைப்புகளை போட்டு விடுங்கள். நல்ல தலைப்புக்கு
பரிசாக ( லஞ்சமாக ) ஒரு பரிசுக் கவிதையை நாளை பிரசுரிக்கிறேன் ( குறித்துக் கொள்ளுங்கள் நல்ல தலைப்புக்கு ).
இதுக்கு மேல நான் கதைக்கல கவிதைக்கு போவோமா !( தலை இருக்க வால்.............அதுதாங்க )




மேல் ஜாதிக்கும்
கீழ் ஜாதிக்கும்
இடையில் நசுங்கிச்
சாகிறது ...
மனித ஜாதி

இறுதி மூச்சுக்குச்
சற்றுமுன் ...
தற்கொலை
செய்பவனின் கடைசி
ஆசை
இன்னும் கொஞ்சம்
வாழ வேண்டும்

அலைந்து திரிகிறது
அமைதி தேடி
சமாதியானவரின்
ஆவி
எத்தனை பேருக்குத்தான்
இடம் கொடுக்கும்
அமைதி

துடிப்பதைவிட
நடிப்பது
அதிகம்
இதயங்கள்...

காதலுக்கு தாஜ்மகால்
ஒன்றுதான்
கல்லறைகள் அதிகம்

வாழ்வதைவிட
செத்துப்பிழைப்பது அதிகம்
மனிதர்கள்

கிணற்றுக்குள் இருந்து
உலகம் பார்க்க
பழகி விட்டன
தவளைகள்
நாம் இன்னும்
தவளையையே
பார்த்துக்கொண்டிருக்கிறோம்

முகப்பூச்சு
கண் மை
உதட்டுச்சாயம்
காசு கொடுத்து
வாங்கும் இவை
எல்லாவற்றையும்விட
அழகாய் இருக்கிறது
இயற்கையான
வெட்கம்

இரவு முழுக்க
குரைத்து குரைத்து
எந்தக்கள்ளனையுமே
வர விடவில்லை
``டொம்மி ``
புதழ்ந்துகொண்டிருக்கும் போதும்
குறைத்தது ``டொம்மி ``
பார்த்தீங்களா
நான் சொன்னது
அதுக்கும் விளங்கிட்டது
இன்னும் கூடியது புகழ்ச்சி
பாவம் இரவில் இருந்து
பசியோடு குறைக்கிறது
``டொம்மி ``