உங்கள் காதலிக்கு சொல்ல சின்ன சின்ன புரூடாக்கள்

எனக்குத்தான் சொல்வதற்கு ஆள் இல்லை நீங்களாவது சொல்லி அடியோ ,முத்தமோ வாங்கிக் கொள்ளுங்கள் .


உனக்குத்
தருவதற்காய்
சேமித்து வைத்த
முத்தங்களையே
கடைசியில்
கவிதையாய்த்
தருகிறேன்...


குடை
பிடித்துக் கொண்டு
போகிறாய்
பாவம்
மழையும்
வெயிலும்...


நீ
வந்து விட்டால்
தரிசனம்
வரா விட்டால்
அசரீரி

நீ கட்டிவிட்ட
நூல்
வெறும் நூலல்ல
கவிதை நூல்


நானும்
வௌவால்....
அது மின்சாரக்
கம்பியில்
நான் காதலில்
தொங்குகிறோம்!


பொங்கல்
ரமழான்
கிறிஸ்மஸ்
எல்லா மதங்களும்
விடுமுறையில்தான்
கொண்டாடப்படுகின்றன
காதல் மட்டும்தான்
விடுமுறையே
இல்லாமல்
கொண்டாடப்படுகிறது


கடவுளும்
காதலும்
ஒன்றுதான்...
கடவுள்
தூணிலும்
துரும்பிலும்
ஒளிந்துகொண்டிருப்பார்
காதல்
உன்
ஒவ்வொன்றிலும்
ஒளிந்துகொண்டிருக்கிறது ...


எமன்
எல்லோரையும்
கொல்ல வருவான்
உன்னை மட்டும்
பார்க்க வருவான் ...



சாத்தன்
இன்னும்
உன்னைப்
பார்க்கவில்லை
போலும்..
பார்த்திருந்தால்
இந்நேரம்
சாமி ஆகிருப்பான்
அல்லது
சாமியாராக
ஆகிருப்பான்...

உன்
வார்த்தைகளை
புத்தகமாக்கி
அடுக்கி
வைத்திருக்கிறாய்
உன் மௌனம்
நூலகம்...

பெண்ணே பேசிவிடாதே !

கவிஞர்கள்
அதிகமாகத்தான்
இருக்கிறார்கள்
ஆனால்
கவிதைகள்
கொஞ்சமாகத்தான்
இருக்கிறது


காதலர்கள்
நிறையப் பேர்
இருக்கிறார்கள்
காதல்
கொஞ்சமாகத்தான்
இருக்கிறது

கடவுள்கள்
நிறையப் பேர்
இருக்கிறார்கள்
மனிதர்கள்
கொஞ்சமாகத்தான்
இருக்கிறார்கள்


வார்த்தைகள்
அதிகமாகத்தான்
இருக்கிறது
ஆனால்
காதல்
மௌனமாகத்தான்
இருக்கிறது
உன்னில்...


சில வார்த்தைகள்
பேசப்படும்போது
அழகாக
இருக்கின்றன

சில வார்த்தைகள்
கவிதையாகும்போது
அழகாக
இருக்கின்றன


சில வார்த்தைகள்
மௌனமாக
இருக்கும்போதுதான்
அழகாக
இருக்கின்றன

உன்
காதலைப்போல்!

வந்து காதலித்துவிடுங்கள்

மார்புத்தீயில்
மதுரை எரிந்தது
அன்று....
இன்று
என்னை எரிக்கிறாய் !


காணாமல் போனோர்
பட்டியலில் நான் ...
உன்னுள்
தொலைந்து போனேன்


கவிஞனுக்கு
கவிதைகள்....
கடவுளுக்கு
பக்தர்கள்...
தாய்க்கு
பிள்ளைகள்...
போலல்ல
அதற்கு மேல்
எனக்கு
நீ...



உன்னைப்
பார்க்கும் வரை
கடவுள் என்
விதியை
எழுதினான்...
இப்போது
நீ எழுதுகிறாய்


மனிதன் வாழ
இன்னுமொரு
கிரகம் தேடி
அலைகிறான்
நான் வாழ
உன்னைத் தேடி
அலைகிறேன்

மூச்சு விட
முடியாமல்
சேத்துப்
போவதை விட
கடினமானது
காதலிக்க முடியாமல்
செத்துப்போவது

விழுந்தது
என் விழி
நீ
சறுக்கிய போது...


தூக்கு கயிற்றில்
தொங்குகிறது
காதல்...
நீ
காதலிக்கவில்லையாம் !

உன்னை என்னுள்
சேமித்து விடு
என்னை விட
உன்னைப்
பத்திரப்படுத்த
எவராலும்
முடியாது....

இப்படிக்கு காதல் பேசும்...

சில நாட்களுக்கு முன்பு என் கவிதைகளுக்கு பொருத்தமான தலைப்பு தந்து உதவும் படி கேட்டிருந்தேன்.
அதற்கு நட்புடன் ஜமால், S.A. நவாஸுதீன் , பிரியமுடன்.........வசந்த் , தமிழ்பபிரியா, பாலா , அபுஅஃப்ஸர். ..
ஆகிய நண்பர்கள் அழகான தலைப்பு கொடுத்து கவிதைகளை மெருகேற்றி இருந்தார்கள். உதவும் நண்பர்களுக்கு கவிதை ஒன்றை பரிசளிப்பேன் என்று கூறியிருந்தேன் .கொஞ்சம் தாமதமானாலும் சொன்னபடி அவர்களுக்கு இந்த கவிதைகளை பரிசளிக்கிறேன்...

பிடிக்கவிட்டால் பரவாயில்லை குப்பைத்தொட்டியில் போட்டு விட்டு சொல்லுங்கள் , உங்களுக்கு பிடிக்கு வரை தந்து கொண்டே இருப்பேன்...


இனி காதல் பேசட்டுமே ..,,,

நீ சூடிக்கொண்ட
வெள்ளை ரோஜா
வெட்கப்பட்டு
சிவப்பு ரோஜா
ஆகிப்போனது

நதிக்கரைப்
பக்கம் போகாதே
பயிர்கள்
வாடிப்போகின்றன...
ஓட மறுக்கிறது
உன்னைப்பார்த்த
நதி



குரைக்கிற நாய்
கடிக்காது!
உன்னைப் பார்த்தால்
கவிதை எழுதும்


செத்தால் அழுவார்கள்
நீ அழுவதால்
நான் சாகிறேன்...


உன்னைப் பார்க்க
வரும் நாட்களில்
மாமிசம்
சாப்பிடுவதேயில்லை!
கோயிலுக்குப்
போகும்போது
புனிதமாகத்தானே
போகவேண்டும்


உன் பெயரைச்
சொல்லி
அர்ச்சனை செய்தேன்
அர்ச்சிக்கப்படது
சாமி


எதற்காக நீ
அவசரப்படுகிறாய்
வேலைகள் எல்லாம்
உன்னை
பார்பாதற்காகவேனும்
காத்திருக்கும்..


காதலிக்கவே
மாட்டேன் என்று
அடம் பிடிக்கிறாய்
நியாயம்தான்
சாமியும்
மனிதர்களும்தான்
காதலித்தாய்
வரலாறு உண்டு
தேவதைகளுக்கு
இல்லை...

கொஞ்சும் கவிதை நிறைய காதல் ..

வைத்தியர்
சொன்னார்
என் இதயத்தில்
ஓட்டையாம்..
ஐயோ !
நீ
வீழ்ந்து விடப்
போகிறாயே...


கொலுசு ...
கால்தடம்...
நீ குப்பை
கொட்டும்
குப்பைத்தொட்டி...
இப்படி
எல்லாவற்றையும்
பேசப் பழக்கிய
நீ
எப்போது
பேசப் போகிறாய் !


நீ நட்ட
ரோஜா செடி
பூ
பூக்கும்
முன்னமே
பூக்கத்தொடங்கி
விட்டது
கவிதைகளை


நிலாவில்
ஒட்சிசன்
தேவையில்லை ...
எனக்கு
நீ
உனக்கு
நான்
போதும் ...
வா
குடியேறுவோம்


செருப்பு
சீப்பு
மட்டுமல்ல
கடிகாரம் கூட
கடிக்கிறது
உனக்காக
காத்திருக்கும்
போது


இரவில்
அண்ணாந்து
வானம்
பார்க்க
பிடிக்கவில்லை
ஒரு
நட்சத்திரம் கூட
உன்னைப்போல
அழகாய்
இல்லை...


அழகி
என்று
மட்டுமே
முகவரியிடப்பட்ட
கடிதங்களையும்
உன்வீட்டில்
சேர்த்து
விடுகிறான்
தபால்காரன்